श्री संत रामजीबाबा यांचे भक्त शाहीर महादू माळी यांची पोवाडा गीते

Tue, 25 May, 2021 05:20

शाहिरांनी भक्ति विषयी काही रचना केली आहे. त्यामध्यें जागरण हा महत्त्वाचा भाग असून देवाचे आवाहन कसे असावे याचे आवाहन फार सुंदर आहे.देवाचे आवाहन करताना त्यामधे प्रत्येक गावात असलेल्या देवाचे प्रसंग त्यात त्यांनी कल्पकता पूर्वक आहे. हे फार महत्त्वाचे आहे.त्यातील प्रसंग नाट्यपूर्ण रितीने वर्णन केले आहे. त्यामध्यें भावपूर्ण भक्ती दिसून येत आहे.ती रचना सखोल अभ्यासकाव्यातिरिक्त शक्य नाही, यामधील विविध अलंकार व व्याकरण साधले आहे. अगाध भक्तीमुळे त्यांना शक्य झाले.त्यातील सुरुवात मध्य व अंत्य सुंदर रीतीने साधला आहे.भाषा ग्राम्य आहे शब्द वेगळे अर्थ समजून घेणे आवश्यक आहे केवळ शब्दशः अर्थ नाही,तसेच पण अर्थाचा गाभा वेगळा आहे

🌹🌹🌹🌹||जागरण||🌹🌹🌹

मल्हारी मल्हारी देव तो मल्हारी
पिवळा मल्हार पिवळी पायरी
पिवळा मल्हार पिवळी जेजुरी
पिवळ्यात झेंड्यावरी देव मल्हारी
पालीच्या खंडोबात जागरण मांडिले दयाळा जागरणाला यावे.
लिंबागावच्या खंडोबाला जागरण मांडीले जगरणाला यावे
देहुच्या तुकाराम बुवांनी जागरण मांडीले जागारणाला यावे.
आळंदीच्या ज्ञानोबा जागरण मांडीले जागरणाला यावे.
चिंचवडच्या मोरया जागरण मांडीले जागरणाला यावे.
पुण्याच्या पर्वती जागरण मांडीले जागरणाला यावे.
पंढरीचा विठोबा जागरण मांडीले जागरणाला यावे.
देव कुंडलिकानी जागरण मांडीले जागरणाला यावे.
वाईचा गणपती जागरण मांडीले जागरणाला यावे.
द्रोणागिरी मारुती जागरण मांडीले जागरणाला यावे.
वाकडचा म्हातोबा जागरण मांडीले जागरणाला यावे.
परभणीच्या भैरवनाथा जागरण मांडीले जागरणाला यावे.
जेजुरीचा खंडोबा जागरण मांडीले जागरणाला यावे.
कडेपठार मल्हारी जागरण मांडीले जागरणाला यावे.
शिवरीच्या यमाई जागरण मांडीले जागरणाला यावे.
डोंगरची काळूआई.जागरण मांडीले जागरणाला यावे.
गणापुरी महादेवांनी जागरण मांडीले जागरणाला यावे.
तुळजापूरची भवानी आई जागरण मांडीले जागरणाला यावे.
कोल्हापुरी अंबिका. जागरण मांडीले जागरणाला यावे.
कोल्हापुरी लक्ष्मीआई. जागरण मांडीले जागरणाला यावे.
रत्नागिरी ज्योतिबा. जागरण मांडीले जागरणाला यावे.
उणीच्या सप्तशृंगी जागरण मांडीले जागरणाला यावे.
मुंबईच्या मम्हादेवी जागरण मांडीले जागरणाला यावे.
कोकणच्या वज्रेश्वरी जागरण मांडीले जागरणाला यावे. कोलठणच्या मल्हारी जागरण मांडीले जागरणाला यावे.
तळेगावचे डोळसोबा जागरण मांडीले जागरणाला यावे.
वडगाव चा पोटोबा जागरण मांडीले जागरणाला यावे.
चांदखेड चां मल्हारी जागरण मांडीले जागरणाला यावे.
चांदखेड चा रामजीबाबा जागरण मांडीले जागरणाला यावे.
चांदखेड चे कडेपठार जागरण मांडीले जागरणाला यावे.
चांदखेड च्या धर्मनाथा जागरण मांडीले जागरणाला यावे. चांद खेडच्या लक्ष्मी आईं जागरण मांडीले जागरणाला
कोऱ्हाल्याची वाघजाई जागरण मांडीले जागरणाला यावे.
देव वेताळानी जागरण मांडीले जागरणाला यावे.
चांदखेड नगरी अजाब गुजरी नांदे देव मल्हारी
पाली न पेम्बर गड तुझी सोन्याची जेजुरी
चांद खेड नगरी अजाब गुजरी नांदे देव मल्हारी
पाली न पेंबर गडाला नऊ लाख पायरी.

🌹🌹🌹||पद 1||🌹🌹🌹🌹
चांदखेड नगरी अजाब गुजरी नांदे देव मल्हारी
पाली न पेम्बर गड तुझी सोन्याची जेजुरी,
मूळ पायाची कथा सांगतो गोष्ट ऐका खरी
भामर भीमा मिळोनी चालल्या चंद्र भागेच्या द्वारी
देहुमध्ये तुकाराम बुवा करंज बेटावरी
टाळ विणा मृदंग अखंड यांच्या बरोबरी||१||
आळंदी मध्ये देव ज्ञानोबा यांचे महत्त्व भारी
निर्जिव भिंत चालवली हे एक नवल परी||२||
चिंचवड मध्ये देव मोरया यांचे महत्त्व भारी
इंग्रजांनी मौत भरुनी नेले देवाच्या द्वारी||३||
जाई मोगऱ्याच्या कळ्या करोनी फिरून लावल्या माघारी
वाकड मध्ये देव म्हातोबा यांचे सत्व भारी ||४||
जांभूळकराला हाका मारली गळ लावा बरगडी
कल्हार्याची सून बाई नाचे काच्यावरी||५||
मांगानीचा टीलां घेऊनी देव फिरले माघारी
पंढरी मध्ये देव विठोबा उभे विटेवरी||६||
देव पुंडलिकाचे देऊळ गंगेच्या महा तिरी
जेजुरीमध्ये चोरुन भंडार पडे राव बानाई वरी||७||
राम लक्ष्मण दोघे बंधू राव छत्रगुणी(भरत शत्रुघ्न)
खेळ खेळू होम मांडीयला हा एक नवल परी||८||
त्या होमातूनी घोडा निघाला साय सांगेन तरी
उजवा पाय उचलीता हळदीचे झाड त्याच्या समोरी||९||
तोडी झाडाचे पान भंडार फेके राव मुलखावरी
रामजी बाबांनी भक्ती केली जन्म गेला तरी ||१०||
चांद खेड नगरी अजाब गुजरी नांदे देव मल्हारी
पाली न पेंबर गड तुझी सोन्याची जेजुरी
चांदखेड नगरी अजाब गुजरी नांदे देव मल्हारी
पाली न पेंबर गडाला नऊ लाख पायरी
🌹🌹🌹🌹🌹🌹🌹

Blog Home